ទឹកគ្រឿងសាច់ជ្រូក

ទឹកគ្រឿងសាច់ជ្រូក

ស្រយ៉ជាមុខម្ហូបមួយមុខ ដែលជនជាតិខ្មែរចូលចិត្តបរិ ភោគមិនថារស់នៅក្នុងទីក្រុងរឺ ជនបទនិងល្បីជាមុខម្ហូបខ្មែរមានរសជាតិឆ្ងាញ់។ តើស្រយ៉ដែល ជនជាតិខ្មែរចូលចិត្តញ៉ាំមានគ្រឿងផ្សំមានអ្វីខ្លះ?

គ្រឿងផ្សំមានដួចជា៖

សាច់ជ្រូក

ខ្ទឹមក្រហម

ម្ទេសក្រៀម

ប៉េងប៉ោះទុំ ( ចិញ្ច្រាំអោយម៉ត់ )

អំពិលទុំ ស្ករស ទឹកត្រី ម្សៅស៊ុប

បន្លែ អន្លក់សម្រាប់ញ៉ាំជាមួយម្ហូបបុកទឹកគ្រឿងសាច់ជ្រូក រួមមាន ផ្កាខាត់ណា ត្រសក់ ពពាយ ការ៉ុដ ស្ពៃក្ដោប និងសណ្ដែកគួរ

ចំពោះរបៀបធ្វើ៖

ដំបូង ត្រូវយកសាច់ជ្រូកមកចិញ្ច្រាំជាមួយខ្ទឹមក្រហម និងម្ទេសក្រៀម អោយម៉ត់

ដាក់ប្រេងឆាចូលក្នុងខ្ទះទុកអោយក្ដៅ រួចដាក់ សាច់ជ្រូក ដែលចិញ្ច្រាំចូលគ្នាជាមួយ ម្ទេសក្រៀមនិង ខ្ទឹមក្រហមឆាត្រប់ចុះឡើង បន្ទាប់មកដាក់ ប៉េងបោះ ស្ករស ម្សៅស៊ុប ទឹកត្រី អំបិល និង ទឹកបន្តិច រំងាស់ទុកអោយពុះមួយសន្ទុះ

ទើបដាក់អំពិលទុំចូល ភ្លក់មើលអោយល្មមតាមការចូលចិត្ត ( រស់ជាតិជូរអែម ) ទុកអោយពុះម្ដងទៀត ដួសដាក់ចាន រួចជាការស្រេច ។

ប្រភព៖ មុខម្ហូបប្រចាំគ្រួសារ