ម្ជូរពងត្រី

ម្ជូរពងត្រី

ម្ជូរពងត្រី ជាមុខម្ហូបមួយមុខ ដែលជនជាតិខ្មែរចូលចិត្តបរិភោគមិនថារស់នៅក្នុងទីក្រុងរឺ ជនបទនិងល្បីជាមុខម្ហូបខ្មែរមានរសជាតិឆ្ងាញ់។ តើរម្ជូរពងត្រី ដែលជនជាតិខ្មែរចូលចិត្តញ៉ាំមានគ្រឿងផ្សំមានអ្វីខ្លះ?

គ្រឿងផ្សំមានដូចជា៖

ពងត្រី

កូនត្រី ឬត្រីរ៉ស់ក៏បាន

ត្រកួន

ម្អម

ខ្ទឹមស

ម្ទេស

ម្ជូរអម្ពិលទុំ

ប្រហុក

អំបិល

ស្ករស និងម្សៅស៊ុប

ចំពោះរបៀបធ្វើ៖ មុនដំបូងដាក់ដំាទឹកឲ្យពុះទើបបង់ខ្ទឹមចិញ្រ្ចាំ កូនត្រី និងពងត្រីចូលដំណាលគ្នា។ នៅពេលដែលសម្លពុះម្ដងទៀត ហើយសាច់ត្រីឆ្អិនល្អនោះ សឹមជ្រំម្ជូរអម្ពិលទុំ និងប្រហុកតិច ឬច្រើនតាមចំណូលចិត្ត។ បន្ទាប់មកទៀតត្រូវបន្ថែមគ្រឿងផ្សំរសជាតិមាន អំបិល ស្ករស និងម្សៅស៊ុប រួចភ្លក្សសាបប្រៃតាមការគួរ។ នៅពេលដែលរសជាតិសម្លឆ្ងាញ់ល្មមហើយ សឹមបង់ត្រកួនចូលរួចទុកមួយរំពុះទៀត។ ចុងក្រោយត្រូវបង់ម្អម និងម្ទេសរួចបិទភ្លើងចង្ក្រាន។